Мамлакатимиз мустақиллигининг 28 йиллиги арафасида Нукус шаҳридаги «Қумбиз овул» маҳалла фуқаролар йиғини ҳудудидаги 27-сонли кичик туманда кенг кўламли бунёдкорлик ишлари олиб борилмоқда. Ушбу кичик туманда бир қанча замонавий кўп қаватли турар жойлар қурилиб, уларнинг атрофини ободонлаштириш, кўкаламзорлаштириш ишларига ҳам алоҳида эътибор қаратиляпти.

Ҳозирда кичик туман ҳудудидан «Ўзшаҳар қурилиш инвест» масъулияти чекланган жамиятининг буюртмаси асосида  ­янгидан 10 та турар жойлар қурилмоқда.

— Ўтган 2018 йил  корхонамиз томонидан  45 хонали иккита турар жой  қуриб битказилиб, аҳолига топширилган эди. Жорий йилда битта турар жойнинг қурилиш ишларини олиб ­бораяпмиз. Янги объектда темир-бетон қуйиш, ғишт ўриш ва сувоқ ишлари якунланди. Ҳозирги кунда  томни ёпиш, деворларни  пардозлаш, дераза ва эшик ўрнатиш ишларига эътибор қаратиляпти. Қурилиш ишларига 60 нафарга яқин ишчи ва 5-6 та техника жалб этилган, — дейди «Қорақалпоқ таъмирлаш қурилиш» масъулияти чекланган жамиятига қарашли 2-сонли Нукус шаҳар қурилиш бошқармасининг бош ­муҳандиси Алишер Жумамбетов.

27-сонли кичик туманда қурилаётган кўп қаватли турар жойлар Ўзбекистон Республикаси Мустақиллигининг  28 йиллик  байрами арафасида ўз эгаларига  топширилиши режалаштирилган.

М.ҲАБИБУЛЛАЕВ олган сурат.