Республика махсус комиссияси ­ахборотида маълум қилинишича, фуқароларга қулайликлар яратиб бериш мақсадида республикадаги эпидемиологик вазиятдан келиб чиқиб, “сариқ” ва “яшил” тоифаларга ажратилган ҳудудлар ўртасида санитария-гигиена қоидаларига қатъий риоя этган ҳолда қуйидаги поездлар қатнови тикланишига рухсат берилди.

Тошкент-Бухоро-Тошкент;

Тошкент-Термиз-Тошкент;

Тошкент-Хива-Тошкент;

Тошкент-Нукус-Тошкент;

Андижон-Хива-Андижон;

Андижон-Бухоро-Андижон;

Андижон-Термиз-Андижон;

Бунда, Транспорт вазирлиги Соғлиқни сақлаш вазирлиги ҳузуридаги Санитария-эпидемиологик осойишталик маркази билан биргаликда ҳудудлардаги эпидемиологик ҳолатдан келиб чиқиб, поездлар қатнови режасини белгилаб боради.

Тошкент-Самарқанд-Тошкент йўналиши бўйича санитария-эпидемиологик талабларга қатъий риоя этган ҳолда «Афросиёб» ­поездларининг қатновлари ҳам йўлга қўйилди. 

Шунингдек, автотранспорт воситаларида ёлғиз ҳаракатланаётган автотранспорт бошқарувчисига тиббий ниқобдан фойдаланмасликка рухсат берилди.

Қорақалпоғистонахборот агентлиги.