Бугунги кунда Шўманой туманида кичик бизнес ва хусусий тадбиркорлик соҳасида хотин-қизлар фаол меҳнат қилиб келмоқда. Ана шулардан бири ёш тадбиркор Шаҳрибону Юсупбоева ҳам 2019 йил миллий ва замонавий либослар кийим тикиш цехини ташкил қилган эди.

У жорий йилда банкдан 200 миллион сўм миқдорида имтиёзли кредит олиб корхона фаолиятини янада кенгайтирди. Ҳозирда тадбиркор «Шўманой-Шаменай» деб номланган масъулияти чекланган жамиятига раҳбарлик қилаяпти. Тикувчилик ва гўзаллик салонига ихтисослашган корхонада бугунги кунда 13 нафар хотин-қиз доимий иш билан таъминланган.

Пандемия даврида ҳам корхонада иш тўхтагани йўқ, карантин қоидаларга амал қилган ҳолда фаолият олиб борилди. Бундан ташқари, жорий йилнинг якунига қадар яна бир нечта маҳаллий аҳолини доимий иш билан таъминлаш, шу билан бирга «Темир дафтар»га киритилган ва уйда ишсиз ўтирган 65 нафар хотин-қизни қайта касбга ўқитишни режа қилган.

М.ҲАБИБУЛЛАЕВ олган сурат.