Ўтган аср социалистик тизимда,

Сталиннинг эл бошқарган кезинда,

Март ойининг аниқ ўн саккизинда,

Қаллибек Камалов дунёга келган.

                                    Яхшисин айт! Донғи тошсин яхшининг,

                                   Халқи сийлар ишин моҳир бошчининг.

                                   Қорақалпоқ халқин ўғли бўлгансиз,

                                   Ўғли эмас, фақат Камол махсимнинг.

Вақт ўтар экан, йилдирим янгли,

Изма-из шошилиб оттириб тонгни.

Пайғамбарга монанд улуғ инсонни,

Тарихда ярқираб турган отамсиз.

                                   Тўқсон бешга чиқиб турибсиз бугун,

                                   Биламиз бу йиллар ўтганмас бутун.

                                   Ўйлаб келажагин она юртининг,

                                   Елкага олгансиз Она ер юкин.

Кўкраги сутдай ҳақ, кўнгли кенг сарой,

Иш йўқ Сиздан қолган, Сизга бўйсунмай.

Алпомиш бобомиз қўллаб тургандай,

Элнинг ҳақиқий мард ўғли бўлгансиз.

                                   Илоҳий бир сезим кўринмас кўзга,

                                   Яратган руҳий куч берибди Сизга.

                                   Қийналган халқининг насибасига,

                                   Асқар тоғдек таянч бўлган отамсиз.

Умр йўлин устозликдан бошлаган,

Бугун тарих менинг тирик афсонам.

Юрт учун фидо деб, танда ширин жон.

Халқ дардини қалбингизга қўйгансиз.

                                   Келажак туйғуси кўнгилда тилак,

                                   Ишлаган ҳар ишинг авлодга ўрнак.

                                   Бу менинг Ватаним Она юртим деб,

                                   Тупроғини эъзозлаган дономсиз.

Муаммоси битмас эди замоннинг,

Қайнаши ҳам мушкул қора қозоннинг.

Кўнгил дардларини ҳар бир одамнинг,

Кўнглингизга яқин олган дономсиз.

                                   Чарм этик кийиб, овул оралаб,

                                   Уйма-уй ҳар кимдан ҳол-аҳвол сўраб.

                                   Катта мадад бўлиб дардига яраб,

                                   Қоракангнинг «Кастро»си бўлгансиз.

Экишга тайёрлаб қурол асбобин,

Олгансиз ҳар оиланинг савобин.

Хирмонда топшириб ҳосил байроғин,

Деҳқонга қўл қанот бўлган отамсиз.

                                   Элнинг доноларин йиғиб ёнига,

                                   Савқимни сув, ­айратдинни шолига.

                                   Қурилишни Палвановга топшириб,

                                   Мусиренни чорва қилган отамсиз.

Ёшларнинг назарин фанга қаратиб,

Ҳаёт учун имконият яратиб.

Мукофотлар бериб, руҳини қўллаб,

Олимларнинг йўлин очган отамсиз.

                                   Боболар ўтмишин буюк баҳолаб,

                                   Эски қўл ёзмани қадрлаб тўплаб.

                                   Игорь Савицкийни қўллаб-қувватлаб,

                                   Халқ мулкини ардоқлаган отамсиз.

Халқингнинг ҳунарин кўкка кўтариб,

Маданият кунларини ўтказиб.

Ойимхон опани Қаҳрамон қилиб,

Катта мартабалар насиб қилгансиз.

                                   Қондаги фидолик, тинимсиз меҳнат,

                                   Она ерга деган, катта муҳаббат.

                                   Саккиз ойда қуриб, олий Университет,

                                   Эл-юртингни лол қолдирган отамсиз.

Устоз тутиб Рашидов Шарофни,

Қўлдан бермай тартиб билан талабни.

Юксалтириш керак Қорақалпоқни,

Деб тиним топмаган улуғ дономсиз.

                                   Тоза мақсад ниятларинг аниқдир,

                                   Гази, суви, токи ҳам йўқ халқнинг.

                                   Сен яратдинг эл бошқариш тарихин,

                                   Тарихини эъзозлаган отамсиз.

Билгандан сўнг овулларнинг ҳаётин,

Дам олиш йўқ, ишлаш керак тинмайин.

Эл турмушин, обод қилиб кун сайин,

Енгни чармаб ишга тушган отамсиз.

                                   Иқбол ва бахт шерик бўлиб омадга,

                                   Марказ қарор чиқарганда августда.

                                   «Амударё плотна»син қуришни,

                                   Ғайрат билан тез битказган отамсиз.

Бу қурилиш шаҳримизга кўрк бериб,

Остидан сув, устидан йўл ўтказиб.

Мард деҳқонни сувсизликдан қутқазиб,

Эл армонин рўёб қилган отамсиз.

                                   Қабул бўлиб Оллоҳнинг ҳақ тилаги,

                                   Йил сайин кўпайиб ҳосил дараги.

                                   Тўлдириб омборин, бахтга юрагин,

                                   Эл нонини қалин қилган отамсиз.

Бир лаҳза вақтни ҳам бекор сарф этмай,

Фаровон турмушга бошладинг тинмай.

Тошкентдан олдириб, зўр усталарни,

Нукусни қайтадан қурган отамсиз.

                                   Доно халқим айтган бир гап ҳақиқат,

                                   Йўл қурган азалдан топган кўп иззат.

                                   Бугунин ҳурматлаб, ўтмишин сийлаб,

                                   Чимбойга темир йўл тортган отамсиз.

Эртакнамо мардлик айланиб чинга,

Олтмиш уй қурдириб бир ярим йилда.

Кўпчилик йиғилган бахтиёр кунда,

Ишчанлиги кўзгу бўлган отамсиз.

                                   Сиз қадам қўймаган ер йўқ дунёда,

                                   Қадамингиз қутлуғ келган зиёда.

                                   Улуғ элчи бўлиб, Руминияда,

                                   Генерал-полковник бўлган отамсиз.

Эрк берилиб, туҳмат билан ёлғонга,

Эл бошига туҳмат тоши ёғганда.

Ҳақиқат эгилиб, ҳеч синмаганда,

Сабринг билан енгиб чиққан отамсиз.

                                   Кирдикор, ошкора–душманлик аён,

                                   Туҳмат балосидан қутқарди замон.

                                   Кутиб олган вақтда сон минг оломон,

                                   Соғинч ёшларини тўккан отамсиз.

Меҳр – муҳаббатни бериб ерингга,

Хизмат қилиб, фидо бўлиб элингга.

Содиқ бўлиб, дастур билан динингга,

Зиёрати қабул бўлган отамсиз.

                                   Инсон ўз умрига мазмун бахш этар,

                                   Юрт учун яшаса номин яхши этар.

                                   Элим деган эрлар ҳурматда ўтар,

                                   Халқ Қаҳрамони бўлган отамсиз.

Чорак асрдан кўп эл хизматида,

Курашга отланиб Сиз билан бирга.

Любовь онамизнинг меҳнати Сизга,

Куч ва қувват, Сиз вафодор отамсиз.

                                   Она юртнинг ори учун курашган,

                                   Сиз теран томирли, мевали дарахт.

                                   Сиз орқали бу кунларга етишган,

                                   Шу азиз Ватаним, ҳур Қорақалпоқ.

Жуманазар МАМБЕТШАРИПОВ.

Гулистон МАТЁҚУБОВА таржимаси.