Жорий йилнинг 18-20 март кунлари оралиғида Самарқанд вилоятида спортнинг самбо кураши бўйича 2001-2002 йилларда туғилган ёшлар ўртасида Ўзбекистон чемпионати ўтказилди.
Чемпионатда 400 нафардан зиёд спортчилар иштирок этди. Унда республикамизнинг 20 нафардан ортиқ спортчилари муваффақиятли қатнашди.
— Чемпионатда биринчиликни қўлга киритишга муваффақ бўлдим. Бундай ютуққа эришишимда мураббийим Байрамбой Дўсбергеновнинг меҳнатлари алоҳида. Энди Осиё чемпионатига тайёргарлик кўриб, юқори натижаларга эришмоқчиман, — дейди Нукус туманидаги болалар ва ёш ўсмирлар спорт мактаби тарбияланувчиси, Ўзбекистон чемпиони Индира Елмуратова.
Чемпионатда Е.Сарсенбоев (88 кг вазнда), А.Айтмуратова (59 кг вазнда) И.Елмуратова (65 кг вазнда) биринчиликни қўлга киритиб, Ўзбекистон чемпиони бўлган бўлса, К.Тўлегенова ( 80 кг вазнда) иккинчи, А.Қуванчбаева (50 кг вазнда) ва Г.Исмайловалар учинчи ўринни эгаллашди.
Ғолиблар шу йилнинг июнь ойида Тошкент шаҳрида ўтказиладиган Осиё чемпионатига йўлланмани қўлга киритди.
Қорақалпоғистон ахборот агентлигиматериаллари асосида тайёрланди.