Иноят Наўризбаев 1918 йил Тўрткўл туманида туғилган, у 1941 йилда  биринчилар қаторида урушга отланган.

У ўзининг мардлиги ва жасорати билан тенгдошларига ҳар томонлама ўрнак бўлган. Жумладан, 1943 йил 2 октябрь куни Украинанинг Днепр дарёсини биринчилар қаторида кечиб ўтиб, душманларга қарши аёвсиз жанг олиб борган ва ўз девизиясининг олға юришига имконият яратган.

Айниқса, 1943 йил 17 октябрь куни тунда «Кречатик» қишлоғи учун  бўлган жангда қурол-яроғ сақланадиган омборни йўқ қилиб, қишлоқга бостириб кириб, уни фашистлардан тўлиқ тозалашга эришган.

Иноят Наўризбаевнинг Днепр дарёсини кечиб ўтишдаги мардлиги муносиб баҳоланиб, у ўша даврнинг юксак унвонлари билан тақдирланган. 1945 йили ­офицерлар курсини муваффақиятли ­тамомлаган Иноят Наўризбаев ўз қишлоғига келиб, Эллиққалъа туманида яшаган ва 1999 йилнинг 29 апрелда вафот этган.

А.Оразов.