Қорақалпоғистон Республикаси халқ таълими вазири Р.Реймов ҳамда Кегейли тумани ҳокими Д.Утемуратовлар иштирокида туман халқ таълими бўлими ходимлари билан учрашув бўлиб ўтди.
Тадбирда бугунги кунда ёшларга қаратилаётган эътибор, уларнинг сифатли таълим-тарбия олишлари, ўқитувчиларнинг малакасини ошириш, алоҳида намуна кўрсатиб келаётган ўқитувчи педагогларни рағбатлантириш шунингдек, турли танлов ва мусобақаларда ғолибликни қўлга киритган ёшларни ҳар томонлама қўллаб-қувватлаш борасида сўз юритилди.
Спортнинг оғир атлетика ҳамда бадминтон тури бўйича Ўзбекистон чемпионатида ғолибликни қўлга киритган бир қатор ёшларга қимматбаҳо совғалар топширилди. Шунингдек, туман ёшларининг ютуқлари инобатга олиниб, бир қатор мутасадди раҳбар ва ходимлар Қорақалпоғистон Республикаси Халқ таълими вазирлиги томонидан “Қорақалпоғистон халқ таълими аълочиси” кўкрак нишонлари билан тақдирланди.