Танловга давлат рўйхати ва ҳисоб рўйхатидан ўтган фуқаролик жамияти институтларининг қуйидаги йўналиш (номинация)лардаги лойиҳалари қабул қилинади:

1.  Маҳалла ва қишлоқ фуқаролар йиғинларида соғлом турмуш тарзини кенг тарғиб қилиш, жисмоний тарбия ва спортни ривожлантиришни қўллаб-қувватлаш;

2.  “Обод қишлоқ” ва “Обод маҳалла” дастурларининг амалга оширилиши юзасидан жойларда жамоатчилик назоратни таъминлаш;

3.  Хотин-қизларнинг касбий ва тадбиркорлик кўникмаларини ошириш орқали уларни тадбиркорликнинг турли йўналишларига кенг жалб этиш;

4.  Жамиятимизда руҳий тушкунликка тушган ва руҳий маслаҳатларга муҳтож хотин-қизларни жамоат ишларига жалб этиш бўйича ўқув-семинарларини ўтказиш.

Танловда иштирок этиш ва давлат гранти ажратилиши учун қуйидаги ҳужжатлар тақдим қилинади:

1. Ташкилот раҳбари томонидан имзоланган ва муҳр билан тасдиқланган кузатув хати;

2.  Қорақалпоғистон Республикаси Жўқорғи Кенгеси ҳузуридаги Жамоат фондининг /QR_JAMOAT_FONDI  телеграмм каналида жойлаштирилган шаклда тўлдирилган давлат гранти лойиҳаси учун ариза;

3.  Охирги ўзгартиш ва қўшимчалар билан давлат рўйхатидан ўтган нодавлат нотижорат ташкилотлари ва фуқаролик жамияти бошқа институтларининг Устави (Низоми) нусхаси;

4. Ташкилотнинг давлат рўйхатидан ўтганлиги тўғрисидаги гувоҳнома нусхаси;

5.  Агар лойиҳани амалга ошириш лицензияланадиган фаолиятни талаб қилса, унда лицензиянинг нусхаси;

6.  Манфаатдор давлат ва жамоат ташкилотларининг илтимосномаси ва тавсия хатлари илова қилиниши мумкин.

Битта лойиҳа учун ажратиладиган грант миқдори -30,0 миллион сўмгача.

Ҳужжатлар 2021 йил 20 майдан — 20 июнгача қабул қилинади.

Ҳужжатлар Қорақалпоғистон Республикаси Жўқорғи Кенгеси ҳузуридаги нодавлат нотижорат  ташкилотлари ва фуқаролик жамиятининг бошқа институтларини қўллаб-қувватлаш Жамоат фонди номига “Ўзбекистон почтаси” орқали юбориладиган муҳрланган конвертларда (А4 форматда) қуйидаги манзил бўйича қабул қилинади: Нукус шаҳри И.Каримов гузари, 112-уй.

Ҳужжатларни тақдим этиш шартлари ва намуналари билан Қорақалпоғистон Республикаси Жўқорғи Кенгеси ҳузуридаги нодавлат нотижорат  ташкилотлари ва фуқаролик жамиятининг бошқа институтларини қўллаб-қувватлаш Жамоат фондининг /QR_JAMOAT_FONDI  телеграмм канали орқали танишиш мумкин.

Маълумот учун телефонлар: (61) 222-71-69, 222-05-40.