50 нафар кишининг бандлиги таъминланди


Беруний туманининг олис Абай овулида “Беруний текстиль инвест” масъулияти чекланган жамия­тининг тикув цехи фаолият бошлади.

Корхонада ҳудудда шакллантирилган “Ёшлар дафтари” ва “Аёллар дафтари” рўйхати асосида 50 нафар ёшлар ва аёллар иш билан таъминланди. 

— Ёшликдан эгаллаган ҳунарим бўйича ишга қабул қилинганимдан хурсандман, — дейди тикувчи Гулмира Жаксиликова. — Тикув цехида эркаклар, аёллар ва болалар кийимлари ҳамда миллий ҳунармандчилик маҳсулотларини тайёрлаймиз.

Цех очилиши муносабати билан ташкил этилган тадбирда туман ҳокими А.Сафарбоев, секторлар раҳбарлари, туман фаоллари ва нуронийлар иштирок этди.